「兩段時間都係文、大、商幾十篇文革式評論批判我，係咪中央、政府處心積慮消除我呢啲烽煙主持人？冇實質證據，但最終客觀效果係咁。」吳志森指去年被港台封咪時的「外圍環境」，與04年被調離《千禧年代》時十分相似。
04年他被左報圍攻時，港台公關部仍會出稿回應「頂住」，但去年港台高層只向他說「當睇唔到咪得囉」。森叔對此說：「好失望，將呢件事定性為我個人同左報之間嘅問題，（港台）置身事外。」他今天對《千禧》等節目的觀感是：「如果只聽呢兩個節目，你會覺得香港好和諧喎！喺一個有咁多危機、民怨嘅年代，聽唔到民怨，冇乜危機感，好容易安樂死或者死咗都唔知。」
唯一慶幸是，港台電視部仍然自由開放，「抵抗力」大好多，「當年話《頭條新聞》陰陽怪氣，點解要公開講？因為私下干預唔到囉。」
七一為乜上街？請到蘋果日報facebookfanpage投票吧：
http://www.facebook.com/questions/10151071597587448/