黃婉曼和艾粒等昨日在大角嘴出席奧運活動，臉變尖、鼻子又變高的黃婉曼再否認整容，聲稱是靠跑步減肥，她說：「其實我入行到家都有keep住跑步，呢個係好好嘅減肥方法，我仲會一路跑步同聽歌，有時仲會悟出人生。」
黃婉曼又說：「其實做藝人好似玩鐵人賽，以前做記者嗰陣，做錯事可能只係閂埋門喺房俾監製鬧，但家做藝人，會有好多人監督，所以要有鐵人嘅意志，捱過咗就會好好。」
對於整容傳聞，黃婉曼坦言情緒受困擾，她說：「以前報天氣唔會有咁多人留意，家做咗幕前多人留意，我都曾經諗過做番幕後，不過有啲前輩同我講，做人一定有高潮同低潮，佢哋覺得我未遇過低潮，所以我家EQ高咗，唔會放棄做主持呢啲機會，繼續做落去。」
採訪：何慧斯
攝影：陳俊強