查斯古特年少成名，廿歲出頭已經入選國家隊，法國喺98年贏世界盃佢都有出一分力。要講佢喺國家隊最經典入球，就不得不提2000年歐國盃嘅「黃金入球」。
2000年歐國盃決賽，都算係歷屆其中一次最峯迴路轉嘅決賽。呢場波意大利對住法國喺55分鐘由迪維基奧先開紀錄，之後迪比亞路錯失咗兩次單刀機會；結果喺補時4分鐘，被韋托特扳平，要加時再決勝負。
00年決賽加時挫意大利
查斯古特喺76分鐘後備入替，到最關鍵嘅時刻發威。喺加時上半場完場前，皮利斯插入底線傳中，查斯古特喺近12碼點擺靚個軚一射入網。因為嗰一屆設有「黃金入球」制，法國入呢球隨即宣佈奪冠，當時查斯古特剝衫開心到喊個樣，相信唔少球迷都仲記憶猶新。
何西