前英格蘭國腳夏格維斯（圖），自上季唔獲曼城留用後，早前就搵咗佢嘅前隊友、現職英足總技術總監嘅修夫基撈。其實31歲嘅夏格維斯嘅「玻璃腳」要踢番波就話未必得啫，但以佢多年嘅經驗，教仔、培育後輩仲綽綽有餘，所以英足總有意將佢打造成為另一個加利尼維利，主要負責培訓U21代表隊等一眾幼獅兵團。