搞去頭皮洗頭水嘅Head&Shoulders，竟然搞埋資產管理？華華喺證監會網站每月公佈嘅牌照名單上，見到Head&Shoulders上個月攞到證監9號仔牌，即係做到資產管理啦。不過睇真啲，原來只係同洗頭水同名啫。
呢間新近攞到資產管理牌照嘅公司，叫做Head&ShouldersAssetManagementLimited，中文名並唔係大家熟悉嘅海倫仙度絲，而係聯合資產管理，佢嘅母公司就係聯合證券，英文名一樣搶眼，叫做Head&ShouldersSecurities。
華華推斷，Head&Shoulders應該係講技術走勢上嘅頭肩頂（左圖），簡單啲嚟講即係升市賺錢咁解啦，唔會話個市好似頭皮咁跌落嚟啩？
華華上網八吓，呢間聯合資產管理今年1月設立，證監同聯交所網站都未見佢有乜嘢投資，如果呢間公司要搞宣傳，唔知會唔會搵吓幫洗頭水賣過廣告嘅地上最強甄子丹，或者G奶蔡依林傾吓合作呢可？