「97年一度挾息挾到去300厘，即係癲嘅，等於乜嘢都唔使做，根本成個市啲資金就唔見晒。」經濟分析員出身的關永盛，面對近30年來的多個金融動盪，最難忘的大事件，還是亞洲金融風暴，並指08年經濟跌5%後，「令香港人開始醒覺，原來經濟係可以負增長，因為實在太耐無見過。」
拆息癲 永遠有新嘢
關永盛83年大學畢業後投身證券分析行業，98年加入恒生銀行掌經濟分析部，99年兼掌恒指公司，07年正式淡出經濟分析工作。他回想，加入恒生後就即時要面對金融風暴的挑戰，「當年每幾個月個拆息就一抽抽到去20、30厘，仲係一波一波永遠有新嘢，要疲於奔命應付，千方百計去諗有乜可以做，直至政府出手為止。」
風暴過後，香港市場又經歷2000年的科網泡沫，03年又有沙士，「但呢個世界有時就係咁，當最壞嘅嘢發生晒，就會開始好轉。」至於雷曼倒閉引發的金融海嘯，「08年都壞，都係大事，但因為之前見過啦嘛。」