無綫劇《飛虎》的大隻佬演員馬德鐘及羅仲謙等，昨日代表無綫參加龍舟競賽，雖然未有攞獎，但一眾肌肉男總算搶到不少風頭。之前有傳羅仲謙拍廣告時被賈曉晨（JJ）姣黐兼胸壓，昨日JJ見到謙仔即避之則吉，免傳言火上加油，相信她亦怕謙仔女友楊怡不高興。
昨日端午佳節，馬德鐘、羅仲謙、梁烈唯及王浩信等《飛虎》演員，穿着印有劇名的背心代表無綫到沙田城門河參加無綫盃中龍混合賽，而黃智雯則擔任鼓手，領着眾猛男出賽，賈曉晨、唐詩詠及王君馨等女演員就負責打氣，賽前由港姐朱晨麗送上飛虎旗幟，預祝他們旗開得勝。
賈曉晨避謙仔
集合多位猛男的龍舟隊，最後在8隊隊伍中排第6，不用包尾也算有交代，而且馬德鐘及羅仲謙等均屬大隻男，雖然落敗，但仍贏得不少歡呼聲。
謙仔穿着背心出現，旁人都起哄叫他脫去背心展示胸肌，但謙仔表示穿的是公司衫，不能亂除。其間JJ見到謙仔，即老遠叫謙仔不要走近她，原來因為有指二人早前拍婚紗廣告時，JJ姣黐謙仔兼胸壓他，大概是JJ怕謙仔女友楊怡呷醋，所以對謙仔避之則吉。記者笑謙仔胸肌勁過JJ，他說：「唔敢當！應該賈小姐勁啲！」問謙仔怕不怕被人扭耳仔？他笑說：「係怕阿媽扭耳仔。」
智雯着三條褲
馬德鐘賽前曾在微博上載露胸肌相，在比賽時就穿了背心，他笑言：「件衫係公司安排，錯晒啦！應該露多啲。」他亦覺得謙仔應該除衫以增加劇集宣傳效果。另外，任鼓手的黃智雯透露穿了三條褲：「打鼓時要擘開腳夾實個鼓，怕會磨損。」而由於鼓手是龍舟中的領軍人物，黃智雯坦言感壓力。
採訪：卓寶花
攝影：陳慧安