辰苟從香港娛樂圈去到內地影壇搵食，每日都同唔少圈中人打交道，最近應《蘋果》邀請開欄爆下內地娛圈秘聞，第一單就想講下「宇宙最強」同最近人氣爆燈嘅「甜醜」恩怨。早兩日苟哥因工作關係去咗上海一趟，同甜醜身邊人傾合作，有部戲想搵宇宙同佢演出，點知佢話唔使傾啦，甜醜一定唔會接，除非男主角換人！佢話甜醜呢輪因一部清宮劇紅到爆，大把人搵佢拍電影同電視劇，有咁多選擇，佢唔想同一個自己唔喜歡嘅人合作。話說宇宙兩年前同甜醜合作拍咗部《二五仔》古裝片，一齊喺北京宣傳，大會原本安排男女主角一齊做專訪，但去到現場宇宙最強唔肯一齊做，硬將甜醜推去同戲中一批三線演員一齊做訪問，嬲到甜醜訪問冇做就走咗。
撰文：辰苟