早前西安電視台報道一則令人發笑的烏龍新聞，誤將男士矽膠自慰器當成「太歲肉靈芝」，前日仙樂都（吳堯堯）獲邀為now成人台節目做嘉賓，自稱第一次見識性玩具，把玩一輪「玩具靈芝」後，大讚手感十足、形神俱似，力撐村民及女主持唔識唔出奇。
仙樂都被「維園霆鋒」龍心抽水後人氣升，前日在佐敦一間酒吧為now901成人台《囡囡不設防》拍攝，同場還有Stephanie（鄧凱寧）、Madonna（董顈恩）、YoYo（伍淑怡）和Seacole等模一起討論初夜和自瀆等大膽話題，雖然大眾對成人台節目諸多忌諱，但05年鄭伊健被影到偷偷在家觀看now成人台，可見節目有一定支持者。
早前內地西安電視台新聞節目《西安零距離》報道了一則新聞，指當地一位農夫在家中水井撈出一條長約19公分的太歲肉靈芝，後被眼利網友踢爆是男士矽膠自慰器，成為國際大笑話，YouTube點擊更逾十萬人次。節目上亦有探討這個熱話，現場放有多款不同的性玩具，仙樂都與其他模對類似西安太歲肉靈芝型號的自慰器特別感興趣，拿上手捏來捏去，又傳畀其他人研究一番。
對性玩具無知
仙樂都聲稱是第一次接觸性玩具，她說﹕「嘩！簡直嘆為觀止，好開心、好搞笑、好有手感。之前真係未見過，唔通自己走入性商店，俾人以為我係鹹濕婆。」她自認與村民及女主持一樣無知，她說﹕「可能㗎，唔識分唔出奇，加上中國咁大，真係掘到太歲肉靈芝唔係奇事。」最後仙樂都更獲贈一個HelloKitty款的電動按摩器，她笑說：「我諗住用嚟通淋巴。」
仙樂都透露控告龍心非禮的官司未有新進展，但承認工作大增，她說：「今次都算因禍得福，啱啱接咗個豐胸瘦身代言人，佢地仲幫我出寫真，應該可以趕得及書展推出。」
採訪：嵐山
攝影：黃文偉