董敏莉、鍾浠文同恭碩良噚日喺尖沙嘴出席電腦活動，鍾浠文話以前都有同男友影啲攬攬錫錫嘅相，但怕男友同朋友分享，所以都係由自己保管。而董敏莉就自爆家單身，一星期前同拍拖6年嘅男朋友分咗手，仲係佢提出，分手原因係因為男友想結婚，但董敏莉就想事業為重，問佢覺唔覺可惜？董敏莉即刻忍唔住喊：「少少啦，少少唔捨得。」