梁振英身為專業測量師竟然僭建，他競選時更公開表示，曾諮詢兩名專業人士確認山頂貝璐道豪宅絕無僭建物。不過，有資深測量師踢爆，視察時只要根據屋宇署審批的圖則檢查，很容易就可以確定大宅有冇僭建物，「一睇就會知道，其實唔會睇唔出」。質疑梁振英有心隱瞞，或根本從未找專業人士檢查大宅。
梁振英昨被爆山頂豪宅有多處僭建，之後開放給傳媒視察，他多次以自己是產業測量師，不是建築測量師為由，辯解不知道有僭建。當記者多次追問他為何曾諮詢過兩名專業人士仍未能發現僭建，他從無正面回答，又不願意公開有關專業人士的身份。
作失實聲明可囚七年
本報昨向多名資深測量師查詢，他們均指如果梁振英曾找專業人士為其豪宅視察，根本「冇可能搵唔到僭建」。一名測量師解釋，一般而言，只要根據經屋宇署審批的圖則對比大宅實際環境，很容易會找到哪一處屬僭建，「好似車位咁樣，如果可以起上蓋，圖則會明確表示，冇理由睇唔到」。
此外，身兼發展局上訴審裁團（建築物）小組主席的法律界人士黃國桐指，若梁振英曾諮詢專業人士，但向外堅稱冇僭建就屬失實聲明，一經定罪，最高可罰款五萬元及監禁七年。
但他指出，刑事調查時，涉案人士有緘默權，若他不供出該兩名專業人士的身份，廉署便難以調查和舉證。
《蘋果》記者