容祖兒和劉浩龍的「祖師戀」轟動全城，師兄一班波友梁漢文、許志安、譚詠麟和曾志偉等昨午在樂富球場進行足球比賽，眾人對祖師戀都感到愕然。
梁漢文：吓？堅㗎？流料嚟咋？係咪講笑？真係恭喜晒，之前喺劉浩龍演唱會見佢仲?口?面，仲未上到塊面，睇嚟要快啲出關，睇吓佢係咪「容」光煥發先。其實之前祖兒間中都有一齊玩，因為我哋「有啲」朋友佢都熟。至於阿詩係咪唔開心，呢啲是非，我一早遠離晒啦。
許志安：太好啦！唔怪得佢近排踢波踢得咁好啦，射親都入嘅。
蔡卓妍在微博留言：我愛祖兒，所以希望能有一個真心愛她，只愛她一個，能寵壞她的人。
譚詠麟：嘩！非常詫異，佢（劉浩龍）之前有個MV，用毛巾笠頭，深入民心。師兄好有吸引力，留鬚，似龍紋身的男孩。
曾志偉：我唔知喎，冇聽過佢哋一齊，亦冇見過，頭先梁漢文、許志安都冇講，我哋嚟踢波咋。
蘇永康：恭喜！
草蜢：恭喜晒，真係㗎？佢哋一表人才，作為男友嚟睇，祖兒係好好嘅選擇，歌精舞勁，劉浩龍亦係女仔嘅最佳選擇。至於阿詩，我哋唔清楚來龍去脈，阿詩單獨嚟睇，無論作為男朋友或女朋友，都係上佳選擇。
採訪、攝影：李志明、王連連