黃百鳴的新書《生存．奮鬥》中，除了寫一家人努力求生的抗癌之戰外，還有不少篇幅是寫他的奮鬥史，黃百鳴在書中提到當年電影黃金時代的新藝城，他跟麥嘉及石天如何創業，他說：「因為一套《搏命單刀奪命槍》有老闆賞識，成立咗新藝城，拍咗唔少經典電影，今日好多大導演都係新藝城出嚟，好似吳宇森、徐克、林嶺東，仲記得阿東當年喺我哋度橋嘅奮鬥房坐咗半年，聽我哋三條友吹水之後，就拍咗套《陰陽錯》。」
分道揚鑣
不過新藝城神話總有幻滅的時候，到了後期黃百鳴、麥嘉及石天三頭開荒牛各有打算，加上翻版開始盛行，令新藝城無以為繼，他說：「到後期我發現麥嘉同石天枱頭都裝咗部電腦用嚟睇股票，個心都唔喺度。而且老闆唔係你老竇，你蝕得一、兩套佢哋就閂水喉。」結果現在只剩下黃百鳴仍在影圈打拚。