著名蒲場dragon-i創辦人之一林雨生（Gordon）昨日和拍拖五年的巴西女模女友Tais結婚，中西式婚禮大玩紅燈籠，與新郎同為44歲的楊其龍見拍檔結婚大為心急，更直言被全家催生仔，坦言不介意未婚生仔。
現年44歲的dragon-i創辦人之一林雨生和30歲巴西女友Tais訂婚三年，昨日兩人在第一次相識的地方dragon-i舉行婚禮，現場大玩中西合璧，掛滿大紅燈籠，又舞獅又有大頭公仔，喜愛夜蒲的兩人以印上兩人名字的伏特加作回禮禮物。
新郎哥緊張失眠
Gordon昨日熱到大汗淋漓，一對新人又連環錫了幾轉，Gordon說：「成個月冇瞓，因為（算命）師傅對我話，今年得6月22日係好日，唔係就要等多一年。」他笑指想等埋好友楊其龍一齊結婚：「我都想陪佢，但等唔到，佢咁耐都冇結。」
楊其龍一身白西裝做伴郎，他坦言很想做老竇，經常被催婚：「努力緊呀，我唔介意未婚生仔，自己都有啲心急，家姐特別急，爹哋都恨抱孫。兄弟結婚，真係心情特別有感受，我同Gordon同年，dragon-i係我哋一齊成長，一齊撞板嘅地方。」
陳見飛婷婷同場
甄子丹和太太汪詩詩、謝婷婷、周汶錡、郭志怡、林建岳兒子林孝賢等都有到賀，陳見飛今年結婚，她指會擇日在亞洲搵個resort結婚，陳冠希做伴郎。謝婷婷就指自己認定男友安志杰，但兩人要在事業上衝刺，婚期未有定案：「我最近去咗五個婚禮，冇乜衝動，30歲後先再諗啦。」
dragon-i由楊其龍、江欣燕老公吳積遜和Gordon創立，之後更成為香港蒲點名勝，荷李活明星、國際球星等來港，都必然會去dragon-i打卡。
採訪、攝影：顏英儀