距離半年結只有不足半個月，外圍暫時未有新的負面因素，基金隨即喪炒超低殘細價股，唔理好醜但求就手，務求於慘淡的第二季末，食一鋪尾糊。不過，有分析員認為，一些基本因素欠奉的細價股，中期業績或出現幅倒退，短期炒作要慎防業績見光死。
升幅榜當中，不少股份於6月升市完全冇升過，過去無人問津，昨日來一個大翻身。其中，龍頭煤炭股反彈過後表現乏力，資金昨日追入龍尾的永暉焦煤（1733），單日勁升23.3%。
6月份港股見底回升，但不少股份繼續下跌，但6月跌得越多，昨日卻越好炒。賽得利（1768）昨升9.9%，惟6月至今跌4.8%。
京華山一研究部主管彭偉新表示，於外圍缺乏壞消息之下，市場未必因為龍尾股炒上而確認見頂，反而是趁恒指進行整固的時候，資金換馬炒上這批股份。散戶要買入這些股份，轉身便要快。