李嘉欣前日42歲生日，她昨日出席活動時透露收到老公許晉亨送身體檢查超級套餐做生日禮物，更因而發現腸和胃有八粒良性瘤，最後安全切除，盛讚老公有大功勞。至於16個月大的囝囝JaydenMax就送了birthdaykiss給她，嘉欣笑言囝囝長期「恰」她，以她的能力只可照顧一個。對於有傳她小產，嘉欣大呼「大吉利是」！
李嘉欣昨日在中環出席ThomasSabo首飾活動，穿上白色棉質eyeletdress，精神甚好。前日42歲生日的她，獲品牌創辦人送蛋糕和頸鏈做禮物。
嘉欣指生日和老爺及奶奶等過「五人世界」吃飯慶祝，她昨日也在微博上載和老公許晉亨一齊吃生日蛋糕的照片，她指許晉亨除了送首飾禮物，更送了一份最合她心意的禮，她說：「佢送咗一個健康檢查畀我，我今年好多小毛病，感冒咗成兩個月，佢知道我怕睇醫生，所以送咗個超級詳盡嘅身體檢查畀我，仲連內窺鏡都做埋，終於喺腸、胃嗰度，清除咗八粒良性瘤。」
專被囝囝恰
嘉欣坦言一向諱疾忌醫：「如果唔理，可能幾麻煩，或者到70歲先知，所以老公好大功勞！」她指生日願望正是身體健康，問她想不想再追多一個仔女？她說：「唔會住，我同另一半都覺得喺香港養多個小朋友好難，因為又要搵學位，又要教育，真係唔簡單。」她指將來一定會送囝囝去外國升學，笑言一定喊住送，但至少要等到11歲後，她說：「佢就一定唔會喊，佢好tough，個樣似我，形態動靜就似老公。」她又指囝囝繼續恰她，返playgroup一見她就扭計。
李嘉欣年初出席活動曾凸肚惹懷孕疑雲，其後又回復纖腰，被揣測她可能小產，傳言多多，李嘉欣昨日聞言說：「冇啲咁嘅事，大吉利是！我唔會唔開心，當新聞一則，唔介意。」
採訪：顏英儀
攝影：陳志嵐
