詹瑞文噚日喺尖沙嘴文化中心綵排今晚公演嘅舞台劇《硬膠先生勇救核心價值》，台上有個門字道具，詹瑞文扮貞子爬出場，喺門下面做動作，佢笑話：「呢度係政府嘅門，貞子真身係曾蔭權，吸乾港人嘅血。」詹瑞文覺得港人怨氣勁，希望曾蔭權卸任後，港人可消氣。佢又扮一個叫李加成嘅人諷刺地產霸權，仲話唔怕得罪有錢佬，最多唔買佢啲樓。