【記者胡仲邦報道】近日香港寬頻向舊客戶寄傳單提供「超筍」優惠，續約三年即送價值5,598元的三星機王GALAXYSIII手機，惟有客戶續約發現無此優惠，再被推銷的送手機月費計劃則搵笨，須支付的費用還貴過自己買新機，怒轟香港寬頻蠱惑廣告客續約。
香港寬頻客戶徐太上周五收到郵寄單張，6月底前續約可以288元月費享「100M寬頻+bbWI-FI+家居電話及bbtv收費電視」，並送三星機王。徐太現付179元月費使用相同服務，合約本年11月到期。「續約嘅話，即係每個月畀多100蚊，簽約36個月，等於畀三千幾蚊就可以有部手機」。
徐太心動即致電熱線續約，卻發現宣傳搵笨，「職員話冇呢個續約計劃，如果要埋部手機，就要用月費348蚊嘅計劃。我計番條數，三年要交多成6,000蚊，仲貴過自己買」。
店員：做唔到畀你
香港寬頻回覆時堅稱收到續約宣傳郵件的客戶均可選用288元續約優惠，又稱溝通誤會致個別前線同事未掌握此優惠計劃。
記者曾與徐太手持優惠單張到香港寬頻門市，店員稱公司電腦系統沒此續約計劃：「個價咁低，真係做唔到畀你！」他又指，目前月費已加至218元，以此月費續約須簽約三年，但沒手機送；有手機送的288元月費計劃，則不包電視及家居電話服務，使用須另加60元。
律師梁永鏗表示，商戶可提供服務才派單張宣傳，「客人根據單張購買服務，公司冇理由唔畀佢哋。只要客人肯畀錢，公司就要畀返合約內容有嘅嘢」，否則違反《商品及說明條例》，最高罰款50萬元及監禁五年。
通訊辦表示，根據電訊條例，電訊商的服務說明須清晰準確，如有誤導，市民可向該局投訴。