雖然我不是球迷，但迷戀靚仔，C朗、曉姆斯、舒夫真高、雲佩斯都是我杯茶，所以每晚與姊妹淘聯群結隊，捱更抵夜睇歐國盃，齊齊吶喊助威！八強賽事明日凌晨開鑼，各位波友定必擔定凳仔做夜鬼睇直播，不過家中無Now但又不想去酒吧同人逼？小記推介三個好地方，保證給你一個睇波新享受！
記者：歐陽曉思
攝影：林栢鈞、陳盛臣、陳陶鈞
模特兒：Bryan、Candy、CeciNg、CeciTai、Ivy、Lincoln@PureModels
品味酒吧點火暢飲
一般酒吧環境昏暗，甚至有點髒兮兮，女士們自然耍手擰頭，想舒舒服服地睇波，不妨考慮開業僅半年的TheTonno。該店樓高三層，擁有多項娛樂設施，集酒吧、餐廳、會所、Cafe及卡拉OK於一身，其中TonnoBar和RedMR將直播歐洲國家盃全部賽事。TonnoBar跟平時睇波吧不一樣，裝潢偏向高格調，一邊以紅色裝潢配上黑色地板，氛圍醉人典雅，另一邊則以柔和大地色調營造怡人環境，碰撞出強烈的視覺效果，最適合有品味的朋友。
最驚喜是TonnoBar為滿足一眾球迷口腹之慾，破例提供TonnoKitchen的淮揚小籠包，務求讓一眾球迷邊睇好波邊吃小籠包，有個全新享受。這裏的小籠包賣相精緻，皮薄晶瑩，肉餡滲着上湯鮮香，咬下肉汁澎湃，甚有水準。除了小籠包，當然少不了一些歐國盃特色飲品與小食，這裏供應如芝士拼盤、日式串燒等佐酒小食外，酒保更設計了一系列的特色Cocktail，尤其喜歡Winner'sFlammingTouch，一組六杯各有一粒小紅莓，喝前酒保會為紅莓點火，氣氛即時變得更高漲。決賽當晚，店方還請來連詩雅、周國賢與客人一起睇波打打氣，帶領大家投入狂歡狀態！
TonnoBar（31253888）
灣仔杜老誌道5號地下
最低消費：$80/位
鬧市燒烤兼睇波
近1,200呎天台燒烤場Haloha，位於旺角鬧市之中，佈置卻甚有泰國及峇里的ResortFeel，帳幕下是寬闊的藤椅，足夠讓人窩身其中。場內設有清晰投影機，讓客人可以邊BBQ邊睇波！老闆Ronald對食物的質素非常重視，精挑細選優質食材，每人最低消費是$168，即可任食肉扒及蔬菜，如雞中翼、牛丸、魚蛋等超過30款式，更包括來自美國的優質安格斯牛柳粒，很抵食！若然安格斯牛也未能滿足閣下，則可加$50享用海鮮拼盤，有老虎蝦、貴妃蚌、鮑魚、元貝及秋刀魚等時令海鮮，每日由店主嚴選，由美國、新西蘭、挪威及巴西等國家運送抵港，既新鮮又安全。店方除無限供應不含酒精飲品，不妨試試Ronald為歐國盃特調雞尾酒，應景狂歡。
Haloha（56218196）
地址：旺角登打士街43P-43S號鴻輝大廈1樓5室
須預訂，最少八人
星期一至星期五$168/位
星期六至日$198/位
10部大電視 休閒任睇
當一眾男士呷着大杯啤酒熱捧足球盛事，女士們則喜歡舒服地看自己心儀的靚仔球星，而樓上Cafe正是不錯的選擇。DoubleCafe孖啡的裝潢以深啡色為主，配合幾張大梳化，大夥兒睇波更感舒適。窗邊貼有人物剪影，門側那支英國電話亭柱，小小的裝飾帶來忙裏偷閒的感覺。老闆Jack自嘲自己是超級球迷，所以室內四周設有多部42吋的掛牆電視，還有一個特大的投射螢幕，讓你安坐任何角落，睇波也毋須左擰右擰，夠晒舒服。
Cafe有不少特色飲品供選擇，Jack為今屆的歐國盃，特意調校了數款以不同國家隊為主題的特飲，顏色鮮艷奪目，適合一眾女士們。我力捧德國隊，所以心水推介以德國國旗作靈感的三色特飲，用了可樂、芒果汁、柑桔青檸及士多啤梨汁調製而成，味道甘甜，清新又易入口，而柑桔青檸更有潤喉功效，即使興奮喪叫仍力保靚聲！店內還有多款小食拼盤及意大利粉，選擇豐富，在中場休息時醫肚最適合不過。
DoubleCafe孖啡（82088638）
地址：旺角彌敦道577號高士大廈4/F
歐國盃期間最低消費$88/位