丹麥前鋒賓特拿喺對葡萄牙入波後，露出印有賭波公司字樣嘅底褲慶祝（圖），結果俾歐洲足協裁定行為不當，要重罰10萬歐元（約98萬港元）同停賽一場。原來呢單嘢仲有下文，嗰間賭波公司就走出嚟，話會孭起賓仔成條數，個發言人仲寸返歐洲足協話：「我唔相信賓仔着條幸運底橫都要俾人罰得咁重囉！」講到咁豪，其實係咪想同自己宣傳多次呢？