身為候任特首的梁振英十次拒絕公開評論李旺陽命案，觸發2.5萬人上街以雙腳發聲，力促內地查出真相。曾任梁振英競選辦主席、盛傳獲邀晉身行政會議成員的張震遠，昨日卻為梁的醜行辯解：「點解我哋希望香港官員去評論內地嘅事呢？」更胡扯稱：「表態解決唔到香港人面對嘅問題。」支聯會常委張文光炮轟張的言論「冇血性」。
「表態解決唔到問題」
張震遠似乎聽不見社會上強烈要求梁振英表態的聲音，昨接受有線電視訪問時為梁開脫指：「如果我哋唔鍾意內地官員評論香港嘅事，點解我哋希望香港官員去評論內地嘅事呢？」
他稱梁振英的主要工作並非為發生在內地的事件表態，激動地詭辯：「表態係一個姿勢，表態解決唔到香港人面對嘅問題，表態解決唔到我哋基層市民日常面對嘅問題！點解我哋覺得我哋特首，喺呢啲事情一定要表態？」
張文光反駁，兩地人民血濃於水，「中國人關心中國人嘅人權係天經地義」；斥責指：「如果我哋唔關心內地人權，呢啲先至叫做冇血性嘅中國人。」他續稱，正如港人關心四川地震，「我哋天災要關心，人禍一樣要關心，李旺陽（案）就係人禍」。
《蘋果》記者