早前網上不時流傳一啲野蠻女友嘅片段，啟發方大同寫咗新歌《BB88》，噚日佢去到新城宣傳呢首歌，佢話網上流傳嘅野蠻女友片段有部份好誇張，真係未必可以信晒。問到緋聞女友薛凱琪係咪野蠻女友？方大同話：「佢唔係，不過亦都唔係斯文，係有啲情緒化、易喊，但又會帶畀人快樂。」問若果遇到野蠻女友點算，方大同話會即刻講拜拜。