歌手朱紫嬈噚日喺新城做訪問，佢話最近做緊隻新歌係講母愛，令佢諗起16歲嗰陣，同阿媽有一段時間搞到好唔開心，朱紫嬈話：「嗰時我參加歌唱比賽贏咗，想入行，點知媽咪私下幫我推咗，又唔同我商量。」佢話嗰時都好嬲媽咪，可能後生比較反叛，之後大家關係一度唔係咁好，但佢家就知媽咪當時為佢好，想佢讀好書先。