近年絕少幕前演出嘅馮寶寶，之前接受甘國亮主持嘅亞視節目《亞視百人》訪問，現場見馮寶寶瘦咗好多，佢話：「我冇減肥，但瘦咗10磅，因為之前要跨省搬屋，由吉隆坡搬到檳城，我親手包咗138箱嘢。」搬屋又點會瘦呢？馮寶寶解釋話：「因為要跨省搬屋，個過程令我好緊張，搞到胃酸倒流，仲試過呼吸困難入院，連吞口水都好痛。」