網隊奀星咸菲利斯，同真人騷姐仔卡戴珊（Kim）離婚餘波未了；咸哥不滿後者玩弄佢感情，要求索償700萬美元（約5,400萬港元）。不過，成日俾人插虛偽嘅姐仔，又點會俾你咁易得逞？爆料網站《TMZ》報道，話阿Kim叫佢律師，喺聆訊時傳召咸哥喺離婚後兩個月，就一齊嘅女友MylaSinanaj（圖）出庭，話佢根本冇感情創傷。呢一招狠毒呀！