踏足香港的陌生土地，每位新來港婦女背後各有一個辛酸故事，她們克服種種適應障礙來港團聚。一批新來港婦女義工最近跟隨樂群社會服務處北角服務中心，參與「婦女有『耆』心」計劃，打破被認定「攞着數」的格局，付出心血縫製愛心咕送贈弱老，凝聚社會和諧。
記者：劉秀蘭
婚後四年無間斷中港兩邊走30餘歲的子桐，為照顧港人丈夫及子女風塵僕僕，承受中港婚姻的辛酸。六年前她獲批來港團聚，卻沒想像中般如意，「初嚟步到，又有鄉音，好驚講錯嘢，心理上覺得會被人歧視。嚟到香港初期都係搵番自己落咗香港嘅朋友，冇乜接觸其他人」。
取之社會用之社會
子桐及後經子女學校家長的介紹，開始認識社區資源，到社區中心學廣東話、英文及電腦，接着更當上義工。她開懷地說：「唔可以齋攞着數，自己都可以行出嚟回饋社會。見到受惠人開心，自己都開心！」
另一位年約40歲新來港婦女阿喻對子桐的經歷，感同身受，「初初嚟香港怕被人歧視，驚自己搵唔到工，又怕融合唔到」。經友人介紹文職工作，戰戰兢兢嘗試，阿喻總算拾回自信，「最緊要忍耐，畀信心自己，覺得自己唔會差過人，邊樣唔得就學邊樣」。最近她學剪髮，打算為長者義剪。
兩位愛心師奶早前與十多位義工搜羅窗簾布及被鋪等，嚴格挑選布料循環再用，縫製咕套。阿喻說：「揀布都代表一番心意，要細心挑選，有時整唔晒落堂後會攞返屋企做，大部份人都未用過電動衣車，個個靠摸索，最難係車拉鏈。」
面前40多個愛心咕美輪美奐，收到咕及食物福袋的伍伯夫婦笑不攏咀，「好靚、好實用！完全睇唔出用舊布造。有人關心我哋，送乜都咁開心！」是次活動獲蘋果日報慈善基金撥款9,000元推行。
「社福機構專戶」捐款編號：S0006
網上捐款： http://charity.appledaily.com.hk/donate
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.appledaily.com.hk
蘋果基金收捐款戶口
恒生銀行：368-006565-001
中國銀行：012-898-00067655
滙豐銀行：580-198836-001
渣打銀行：447-0-667059-3
蘋果日報慈善基金乃根據《稅務條例》第88條獲豁免繳稅的慈善機構