去到年中，相信大家都打算清理吓啲大假，在暑假旺季前去一趟短程旅行，叉叉電迎接下半年的工作。可是，少女們為了影靚相，可能短短旅程都帶好多衫同飾物，行李箱加上手挽袋，一袋二袋，未出發已累透。好在有品牌已體貼地為女士們設計一系列輕鬆之作。
記者：陳家蕊
攝影：陳盛臣
Model：Yoko、Rain@UniqueModel
降傘尼龍箱 伸縮耐用
要去一個輕鬆的旅行，首先要選擇一個令你拎得輕鬆的行李箱，基於女生們去旅行時可能出現去的時候只有手提袋，回來時卻買到滿了一個行李箱的情況，一個具有伸縮性的行李箱絕對有其用處，所以不妨選擇尼龍質地的行李箱！
可能少女驚尼龍款好鬼老土，不妨選擇以降落傘尼龍物料製袋著名的美國品牌LeSportsac，最新今季推出的樂悠「遊」Excursion款式，用上少女最愛的波點，再印上以世界各地的名勝地標，等你旅程更愉快！加上行李箱內櫳有專利的抗菌塗層，耐用之餘，最啱愛乾淨的少女們了！但係如果始終愛硬身質地的行李箱，也不妨選擇本地品牌MiHK推出最新的鬆弛熊系列，咁得意，未出發都可以同行李箱合照一番放上網，開心Share！
整齊要用摺衣袋
有時執行李，成個篋都係嘢，睇見都覺得煩！其實大家可以用摺衣袋，把衣物分門別類，LeSportsac最近為摺衣袋面層加了一個網隔，更方便收納如襪子、梳子和頭飾等小物，而且頂部位置加了一條手挽帶，帶着出外都可以好方便，讓你有條理地把衣物、隨行用品妥善分類。另外，少女最愛日本家居品牌Francfranc最新推出的Vivace系列，有齊化妝袋，附有衣架的收納袋、首飾袋以及紙巾袋等等，將小物分類都得，而重點係少女至愛佢嘅簡約橫間風設計！
旅行慳位小物
去旅行為了影靚相，衫可能會帶好多去換，但係鞋可能就着死一對，事關帶一對鞋可能已經佔個篋好多空間，Francfranc可能好明白「少女心事」，所以推出可以摺得埋的旅行鞋。就如蝴蝶平底鞋，款式夠晒經典，摺後可放入索繩袋，Size只有一隻手掌大，放多幾對入篋，日日唔同形象都無問題啦！
查詢電話：
a.LeSportsac（23127955）
b.MiHK（23167808）
c.Francfranc（34273366）
d.Pylones（31885928）
e.city'super（23758222）