Angelababy昨日在金鐘出席SK-II活動，她透露即將入劇組開戲，現要爭取時間拍廣告搵銀。問到前日父親節如何慶祝？Baby表示前晚特意由上海趕回港，但太夜只能與爸爸見面，但有預早給錢媽媽代請食飯。至於男友黃曉明爸爸，Baby直言冇送禮亦冇傳祝賀短訊，但相信不會被詐型。
洽簽華誼
有傳Baby有意簽華誼兄弟，她承認經理人阿Kim正在洽談，問她是否與舒淇做師姐妹？Baby說：「未證實，唔係好清楚，如果有機會合作梗係想啦，佢係我鍾意嘅女藝人，睇電影覺得佢係性感女神。」至於是否以「天價」簽約？Baby笑言：「應該係Kim（Baby經理人）價！」簽華誼的事，男友黃曉明有否給意見？她表示：「佢都唔係華誼啦，工作上我哋好分開，我覺得係信得過嘅內地公司。」
採訪：林嘉慈
攝影：葉君海