「未試過㩒唔到錢。」任職公務員的張先生（30歲）稱，昨晨7時許前往銀通櫃員機提款，打算趕赴西貢參與戶外工作，不料櫃員機故障令他身無分文，十分不便。幸有八達通支付車資，張才可按時抵達目的地，向同事借錢解決一日開支。
銀通佔港一半市場
張先生昨日的工作要往西貢參加一個戶外活動營，昨晨7時許，他在紅磡黃埔新邨渣打銀行分行的銀通櫃員機，以中銀提款卡提款，遇上網絡故障無法提款之餘，又擔心交易有否被扣數。「我銀包冇晒錢，好彩前一日增值咗八達通，如果唔係真係連搭車錢都冇！」
他批評佔有本港一半巿場的銀通，巿民一向信賴其服務，昨日卻突然發生故障，不能接受，「如果人哋趕住㩒錢去外地公幹，咁點算？」他最終向同事借錢解決早、午兩餐費用，直至傍晚返回紅磡，在東亞銀行櫃員機再用銀通提款最終拿到錢。
《蘋果》記者