吳卓羲（Ron）戀上內地女星張馨予，雖被粉絲插爆，但Ron依然深愛女友。早前張馨予再在微博發功暗示與Ron分手，但原來一切是假象，前晚Ron在中環為新劇開工時，指仍keep住與馨予的關係，又自認拍拖透明度好高，踢爆女友是為新劇宣傳。
吳卓羲、羅泳嫻和李綺雯（妹）前晚在中環蘭桂坊拍無綫新劇《戀愛季節》，劇中羅泳嫻、妹和徐子珊同時愛上Ron。戲外Ron卻對張馨予情有獨鍾，但Ron為保小生形象，一直不肯公開二人關係，令馨予缺乏安全感，月初馨予便在微博發牢騷指：「愛上一個壞男人會讓你活在痛苦糾纏與委屈中」，令人猜想二人鬧分手。
自稱透明度高
對於分手傳聞，Ron前晚澄清說：「我哋冇問題。」對於不公開關係，會否令馨予欠缺安全感？Ron否認說：「我好開通、開朗，透明度好高。」Ron又指馨予的留言，只是她拍劇後有感而發，因此令大家有太多聯想。
問Ron與馨予的關係是否keep住？他說：「係呀，keep住，多謝大家關心。」Ron表示忙完《戀》劇後，便會為期待已久的《衝上雲霄2》開工，他說：「未知係咪做番吳鎮宇細佬，但知道會去英國同法國取景。」
羅泳嫻擬生B
另外，前晚劇情講羅泳嫻借醉向Ron投懷送抱，Ron急召妹救駕，最終羅泳嫻嘔在妹身上，妹苦笑說：「佢哋用牛奶同餅乾碎扮嘔吐物，好在我中午拍另一場沙灘戲，搞到全身汗臭，仲核突過羅泳嫻。」羅泳嫻說德國籍老公很支持她拍劇：「我兩年後會生BB，到時做全職媽咪，但唔使陪老公飛嚟飛去，因為佢都定居喺香港工作。」
採訪：黃曉妍
攝影：陳慧安