【記者葉競科、陳兆剛、馮樂琳報道】梁振英上場在即，各界都期望他會實踐選舉承諾，推行嶄新改革。《蘋果》獲悉，一個網羅中西醫、脊醫等醫學聯盟正醞釀成立，「反傳統」宣揚外國盛行的「自然療法」。聯盟牽頭人，原來更以該療法治好梁振英頸患；他期望梁作為療法受益人，會支持他們推行另類醫改。
倡減藥重養生
行醫32年的歐陽宏基，本身是脊柱神經科醫生，在其中環診所內，貼上他與多名「富豪病人」合照，包括人稱「四叔」的恒基主席李兆基、全國人大前任常委曾憲梓，還有近期響噹噹的候任特首梁振英。
「當日醫好梁生之後，我冇配藥畀佢，而係採用補充劑，同埋畀好多飲食運動嘅建議佢。」歐陽宏基以保障病人私隱為由，拒絕透露梁的病情，僅表示梁2003年兩次到其診所治理頸脊問題，但他強調在治癒過程中，傳統脊醫按摩技術只佔一半功勞；實際上他是用上在歐美大行其道、備受皇室成員擁戴的自然療法。
他解釋，自然療法範疇其實遠比主流西洋醫學廣泛，主張減少食藥，以中西草藥同健康食品為基本，配合營養膳食、運動養生等，達到治標兼治本。在七十年代，他更毅然放棄獎學金到外國讀西醫，反而自費到英國學成自然療法，惟箇中壓力不少。「嗰陣我畢業返港，同人講食糙米有益，但當年經濟起飛，個個鮑參翅肚，邊有人聽我講？同學喺醫院做西醫前途明朗，笑我儍仔！」
冀獲政府資助
歐陽宏基指，健康食療成為今日香港主流，自然療法也應受重視，「我認為係時候聚合本地自然療法嘅力量，組成一個大聯盟，自行監察業界操守，長遠推動醫療改革」。
早前他召集本地自然療法愛好者，本月初進行首次聯盟籌組會議，應邀出席者有西醫、中醫、脊醫甚至健康食品老闆。歐陽宏基自嘲說：「係拉雜成軍㗎！好多人深信傳統醫術，我哋要有相關資格，佢先至信我哋係醫生，先有機會推廣心目中最有效嘅自然療法。」他在會議後指出，正致力爭取政府試撥部份資源，「梁先生自己都體驗過自然療法好處，應該會投予信心一票。數以百億元資源送到傳統醫療體系，好快就冇咗，點解唔畀十分之一、百分之一我哋一試？」