以由頭包到腳嘅裝束喺旺角街頭獻唱嘅網絡歌手龍小菌，噚日以一貫打扮現身新城接受訪問，佢話自己一身打扮喺夏天獻唱會辛苦啲，佢話：「暫時得呢套衫，遲啲污糟咗先整套新衫替換。」龍小菌暫時冇諗住以真面目示人，以免影響日常教書工作，不過佢又話同學校約滿要搵工，有唔少校長喺佢社交網留言話唔介意請愛唱歌嘅老師，佢話會考慮吓。