厚家底歌手王梓軒噚日喺尖沙嘴開記招，宣傳佢8月10至11號喺灣仔會展開嘅兩場個唱，王梓軒喺現場耍單刀，無厘頭同王梓軒傳緋聞、薛家燕囡囡石祐珊亦有現身。問王梓軒開騷時會唔會叫珊珊合唱？佢話好老套。咁跳辣身舞呢？佢話珊珊練得成冇所謂，仲話上次生日攬住俾人影到，係珊珊送蛋糕時禮貌攬吓，喺外國好普通，錫埋都得。