郭富城、胡杏兒、任達華及黃婉曼等昨現身沙田，出席太子珠寶鐘錶活動，城城透露早前拍楊采妮執導的《聖誕玫瑰》有吸煙情節，故令喉嚨不適聲沙沙。對於早前他在台灣揚言跳舞到60歲，因而有傳他不會結婚，城城表示：「我係冇家庭觀念，不過要成長，始終都有成家立室嘅希望，不過唔係呢個時候，結婚講緣份唔急得，未有計劃。」記者提議城城先註冊，之後補擺酒，他說：「我好多合約喺身，要考慮清楚先。」
黃婉曼唔認整容
另外，黃婉曼為她忽然尖面高鼻的整容傳聞澄清：「我係慢慢瘦，啲人話太尖冇福氣冇貴格，女人條命好緊要，我會肥番。」黃婉曼又否認整容：「冇呀，減肥係為上鏡靚，同高峰期比，已瘦咗20磅。」
採訪：盧妹 攝影：葉君海
