【倫敦直擊】無綫今年16位候選港姐日前首度以泳裝示人後，隨即惹來劣評如潮，唯獨隨行的阿叻陳百祥竟然評價甚高，曾與身材索爆的退選港姐邱淑貞拍拖的王晶，忍不住在微博上嘲諷：「港姐今年行淘汰制，能全部淘汰嗎？」
目前仍在倫敦拍外景的16位候選港姐，日前首度以泳裝示人，可惜平胸凸肚零睇頭，惹來劣評如潮，但隨行的阿叻陳百祥竟然評價甚高，結果惹來曾與身材索爆退選港姐邱淑貞拍拖的王晶，昨日在微博上嘲諷：「看到今屆香港小姐在倫敦的泳衣照，老友阿叻厚道地說：水平高！救命呀！冇女就唔好再搞啦。孫泳恩出番來選都仲有得贏！畀條生路行下啦唔該……阿叻冇理由話水平高。我猜他是說水，平，糕！水皮個水，波平如鏡個平，糟糕個糕！港姐今年行淘汰制，能全部淘汰嗎？」
林泳淘呻上圍縮水
經過一輪殘酷互out後，14位港姐倫敦時間前日在NorfolkHotel內拍泳衣照，巨胸一族的林泳淘一度漏奶，事後她自爆上圍縮水：「可能緊張同有壓力，所以由Dcup變Ccup，家連瞓覺都冇時間，返香港先努力。」
而經過前日泳裝及儀態比試後，最高分的三位佳麗為張名雅、李渼琪及黃心穎，繼曾明俐成為首位可以直接入決賽的佳麗後，張名雅成為第二位直入決賽的佳麗，似乎未有受連番負面新聞影響。被視為熱門的陳潔玲和湯鎮業姪女湯洛雯身材仍沒有睇頭，湯洛雯被問到會否對未能直入決賽而失落？她說：「唔會唔開心，仲有好多機會。」她相信未能直入決賽與身材無關：「我一向都唔係豐滿型，可能托唔起。」
湯洛雯內衣褲亂扔
此外，昨日有讀者爆料，指湯洛雯在外景時將內衣褲亂扔在休息室內，監護人事後公開罵她，更有指阿叻在泳衣環節上偏幫湯洛雯；又有報料指翻版姸希陳潔玲表面清純，但真面目嚇人，爛賭兼句句爆晒粗，最離譜是與妹妹KittyChan去尖沙嘴的酒吧賣煙。
採訪：王崇穎
攝影：黃偉雄
若讀者知道這班入圍佳麗的底細，歡迎電郵至mailto:[email protected]報料。