04年歐國盃分組賽瑞典同丹麥整個2:2波膽，搞到意大利贏波都要出局；周一歐國盃C組最後一場分組賽，意國又可能面對呢個死亡波膽嘞！事關克羅地亞同西班牙最後一戰踢成2:2，就可以攜手出戰，意大利數愛爾蘭幾多球都冇用。另外，意大利前鋒「腦殘」巴洛迪利（圖）兩場分組賽平平無奇，意國傳媒都要求教練柏蘭迪利棄用佢，不過柏帥就講，暫時冇打算將腦殘剔除正選之列。