歐國盃開賽至今，最令人「詫異」者，乃是荷蘭於死亡B組兩戰皆北，排在小組包尾，雖未至執包袱之窘境，亦須於最後一仗大勝葡萄牙，而德國亦盡全力打敗丹麥，始能逃出生天，但日耳曼兵團會否於肯定出線下仍力拼以救宿敵橙兵？心水清的迷哥已知過半！
荷蘭挾世盃亞軍之譽而兩番受挫，乃是尹馬維克剛愎自用，任人唯親所致。兩年前，他不惜公開以「污糟足球」自詡，聲言但求勝果，唾棄全能足球傳統。雖憑史奈達忽有神來之筆，使穩守突擊之策奏效，但以辣味搭夠晉身決賽，卻令橙兵擁躉竊喜之餘，卻痛感愛隊風格盡改，若有所失！
兩年後老尹雖有所收斂，不致公開鼓勵發茅戰術，但仍以保守戰略偷雞，前線獨賴尹佩斯作單箭頭，史奈達作輔鋒支援，右翼洛賓則續以個人盤弄浪射為主，左翼之阿費利則因久傷復出，鮮有佳作，與荷蘭傳統之雙翼齊飛強攻，拉開敵陣破關，簡直離經叛道！最為致命者，乃是親疏有別，起用愛婿雲邦美這員耆老，夥拍茅柴尼祖迪莊任「雙防中」，兇狠有餘，建設欠奉，令反擊恰如鈍刀一把，令對手中場佔先，於斷球後迅速打入己方心臟，使本已欠穩之兩員中堅馬菲臣及希汀加頓失屏障，左支右絀，窮於應付。冷板凳上之熱屁股，如保馬、亨特拉爾、古積特、雲達華治等，只有頓足捶胸，請纓無路。
「窮則變，變則通」，老生常談。一旦遇到好大喜功之權臣，卻往往變作愚而自用之護身符，尹馬維克之於荷蘭國足，何異於振英特首之特區政府？
文：長毛