【本報訊】轟動娛樂圈的非禮恐嚇男藝人案，法官指摘富家公子劉定成自私、無情、任性，行為可恥，但鑑於劉的九旬母親懇切求情，遂酌情減刑至監禁17個月。自小嬌生慣養的劉公子，受盡家人溺愛，但缺乏安全感，慣以金錢換取親密關係，又愛操縱他人，稍遭冷落便會發怒。直至現在，他仍覺得自己無辜。
要細訴劉定成的入獄原委，便需由他的家庭說起。他家世顯赫，外公是廣東賭王霍芝庭，胞姊嫁給澳門賭業大亨傅老榕的兒子。其父創立明新有限公司，從事不同投資。
繼承父親巨額遺產
劉父於1973年去世，留下巨額遺產，剛從中文大學畢業的劉定成有份繼承。相對於事業有成的三名兄姊，自小嬌生慣養的劉定成一直不用工作，只在家族公司做掛名董事及經理，定期支取優厚薪金，估計身家逾億。
三名兄姊陸續離家自立，劉遂與母親相依為命。兄姊眼中，母親對劉過份保護與縱容。而性格內向的劉，無論身心都非常依賴母親，大部份時間不是獨處，便是與母親閒聊。多病的母親由四名家傭及看護24小時照顧，劉一直與母親同住，每晚一同吃飯。
劉有不斷洗手的強迫性行為，但沒精神問題。據心理專家診斷，劉為人不成熟、自我中心、愛支配，長期感到寂寞、空虛，對友伴及情感依附有強烈需求。
現年62歲的劉，曾有兩段長久的親密關係，據悉第二段戀情的男友來自大富之家，但這段關係因男友怕家人接受不了同性戀，於1993年無疾而終。未知是否情傷所致，劉與他人發展親密關係時，表現脆弱及缺乏安全感，其後更演變成用金錢引誘他人，希望買來親密感覺。
劉喜愛操縱及剝削他人，當對方未能取悅他時，他會感到遭冒犯，懷恨在心。他自1988年開始，愛上拍攝裸男照片滿足性慾，他裝扮成專業模特兒仲介人，覷準事主缺乏經驗及求職心切，引誘事主拍照甚至非禮。當事主疏遠他時，他便以裸照恐嚇。
據有份被拍裸照的現役警員聲稱，劉於90年代初自稱是警校師兄弟，引誘他與其他女性友人一同到其寓所，穿上警察制服拍攝淫穢照片。
劉口才好，擅於捉心理。契仔盧昕傑就曾向警方交代，他由被拍照的受害者，漸漸被劉同化，變成幫他處理照片的助手。相識日久，盧逐漸了解劉的為人，「有次我生日，我請佢食飯，兩千蚊，佢回禮畀我，送番個一萬蚊既袋畀我。佢就係鍾意呢啲感覺，因為我尊重佢，我生日請佢食飯」。
聞母傷痛當場灑淚
成為階下囚後，劉只獲母親撰寫求情信力撐，希望餘生有愛兒相伴，劉亦希望能盡快獲釋。但法官未有如劉所願，更謂劉犯案時應預知母親的傷痛。劉聞言即在犯人欄內灑淚。惟他至今仍覺得自己無辜。
案件編號：DCCC1072/11
部份藝人向警方錄取的供詞
羅仲謙
我覺得佢係一名有強烈潔癖同貪靚嘅中年男人，第一次餐廳見面同我講可以安排單身女人飯局俾我，暗示需要向佢哋提供做愛服務，我用講笑形式話唔啱我。
之後上佢屋企睇佢安排嘅時裝，佢攞咗對凉鞋叫我着。我當時心諗，一個基佬叫我着凉鞋俾佢睇，非常之奇怪，可能對我有企圖，所以我拒絕。佢之後叫我試佢啲衫褲，我都拒絕晒，佢仲話我非常保護自己。
張景淳
問我想唔想搵快錢，話黃XX都係俾人包同人同居。過幾日去佢個「倉」睇衫，樓下個看更叫我出示身份證，我覺得佢有啲古怪，可能同看更夾埋，所以我亂填個假身份證號碼落去。我覺得佢唔係一個正人君子，我連背心都唔肯着黎影，之後影咗啲行行企企嘅相敷衍佢。
彭冠期
佢約我喺英皇駿景酒店見面，佢話：我都識楊生，呢間酒店係楊受成。又問我有無拖拍，又畀咗張甄子X揸住球拍嘅相我睇。
上到佢屋企，擺設好奇怪，有水晶擺設，有羽毛，有膠花同塑膠雀仔，聞到好濃嘅古龍水味。我揀咗條前面有布遮嘅T-back底褲，佢拉低我前面露出陰毛，叫我做一字馬同打功夫。佢話識好多名人太太，如果被揀中，陪佢哋一次五千蚊。
