近來最hit話題，相信都離不開歐洲國家盃，其中香港人充滿情意結的英格蘭，先被法國隊逼和，之後好彩3比2贏番瑞典，只要再下一城就前途一片光明。就在咁高興的時候，MINI就引入英國特別版，為同胞們打起個勢。
記者：蕭漢祥
攝影：譚盈傑
Model：CharlotteWai
Bayswater意境粉飾車體
事實上，雖然今次的特別版跟歐洲國家盃無咩關係，再者英格蘭賽前都被睇低一線，基本上無咩高興。但係正所謂「輸個人、都唔好輸個陣」，為英格蘭造勢就由MINICooper開始。今次名為Bayswater版本的MINI，其實係以英國著名街道作為設計概念。不過從這條英國大街橫睇掂睇，有水的只得Kensington公園內一條小湖，所以相信設計師全靠意境作為藍圖，提供了三種不同車身顏色配搭，其中以今次見面的KiteBlueMetallic，亦即是湖水藍車身極為搶眼。
MINICooper車身設計其中一個特點，就係無論邊一個款式，都會將型號的名字好似身份證一樣鑲在車身上。今次的特別版亦不例外，車頭兩側的輪拱上、指揮燈旁邊鑲有Bayswater的名牌，盡顯特殊身份。除了兩側的間條水紋圖案倒後鏡蓋，還有採用17吋專屬黑色合金輪圈，中間的蓋亦寫有MINI字樣，絕對與普通版銀色的輪圈不同，而且黑色撞湖水藍亦是坊間少用的雙色對比。
漣漪般的柔和設計
車廂內設計秉承設計概念，用料和用色一樣咁柔和平靜，前後排座椅均用上專屬的LeatherPunchRocklikeAnthracite真皮座椅，除了有黑和灰的雙色真皮用料，連縫合的車線都跟隨主調，以藍線縫紉，讓人有一種平靜簡約的舒適感。再加上中控台飾板上的三色間紋，真係認唔住即時要唱番首「生活，靜靜似是湖水，全為你，泛起生氣……」，抒發一下在盪漾的情感，哈哈。
雖然畫面如此雅緻，但動力輸出相對來說較為激情，依然採用1.6公升直四偈，能夠輸出184匹馬力及240Nm扭力，行車的引擎聲雄渾剛勁，漣漪頓時翻起變成大浪。那種暗湧正好放在今屆的英格蘭身上，坊間不太睇好嗎？下場就贏埋烏克蘭、以2勝1和回應Bayswater的支持。
MINICooperSBayswater
引擎：1,598cc直四渦輪增壓
馬力：184hp/5,500rpm
扭力：240Nm/1,600-5,000rpm
傳動：6前速自動波箱
售價：$358,000起
查詢：31936800
http://minihk.com