靚聲王張偉文前晚在九展舉行音樂會，並請了謝雪心和李龍基做嘉賓。當張偉文介紹李龍基出場時，寸以裸照恐嚇男藝人罪成的劉公子：「我想影佢相，但唔好攞出去賣，費事畀啲富商攞咗去就唔好。我好擔心呢位朋友，好man，畀人叫做斬柴佬，唔知佢隆咗胸肌定腹肌。」
信神都講大話
尾聲張偉文唱出《中國夢》時又似指向民運人士李旺陽事件，他說：「我唱時好傷感，政治真係好慘。」
事後問到會否擔心得罪人？張偉文稱：「我都冇講名，唔會擔心。」提到林以諾日前批評同性戀，張偉文表示：「家思想唔同，有人話斷章取義，話信神唔講大話，但我發覺好多人信神都講大話。」
採訪：溫敏芝
攝記：陳俊強