日產睇車兼睇英法波

講起男人至愛，不外乎「車」同「波」，當兩者結合時好自然成為男人天地。無啦啦講呢啲嘢做乜？皆因代理日產的合誠汽車，於日前的歐國大戰「英格蘭對法國」賽事當晚，邀請顧客、員工及傳媒包場一齊睇波，仲即場玩競猜勝負，與眾同樂。從場外展出的Juke車身上，大大隻米字旗就知道主場（即合誠汽車）係英格蘭球迷。雖然最後1:1打和，但全場朋友睇得開心，原來「波」真係要一齊睇㗎。