家科技一日千里，睇波已經不再像以前般單調。還記得小時候，一有足球大賽，爸爸必定會與我們爭電視。不過現在已經不用對着那種又細又模糊的公仔箱了，除了添置高清大電視之外，不少走在時代尖端的潮人一族已經擁有3D電視，有說可以在睇波的時候增加現場感。加上智能手機和平板電腦的普及，只要裝上「NOW隨身睇」App，直情去到邊睇到邊，方便到不得了。現在的球迷真有福，在高清畫面和多角度的鏡頭捕捉下，球來球往看得特別清楚。最緊要是慢鏡，球員有沒有犯規，觀眾比球證看得還要清楚。如果依然不夠滿足，還可以透過VideoOnDemand重播再重播。好像今屆歐國盃一開始，已經出現疑似誤判，心水清的球迷一早已經可以透過重播找到答案。但是除了找錯處之外，有時好波不妨一睇再睇，其實今屆歐國盃都有不少靚入球值得欣賞。我本來最希望睇C朗入波，可惜他腳風不是太順呢！不過我就熱捧西班牙為今屆歐國盃冠軍，上仗他們贏愛爾蘭4:0，我就大拍手掌。西班牙終於棄用「零前鋒」陣式，費蘭度托利斯即刻梅開二度，加上大衛施華和法比加斯各一妙絕入球，這樣才是鬥牛勇士的作風。
文：依雯