一直以嚟都好受歡迎嘅草蜢，前晚喺澳門開騷，當晚三位成員蔡一傑、蔡一智同蘇志威（阿細），着上唔少新歌衫換上新造型出現，令觀眾有好大嘅新鮮感。草蜢前晚一如以往，喺台上唱出多首經典歌曲，好似有《怎麼天生不是女人》、《寶貝對不起》同《華麗舞台》等等，阿傑、阿智同阿細都表現得非常落力，令台下fans睇得好high好開心。