經常接受傳媒訪問嘅Wilson溫兆華，據聞就快離開工作咗五年嘅中銀國際，稍事休息後會過檔招商證券，出任招證香港CEO，再度追隨合作多年嘅招證集團總裁王岩。
王岩係舊拍擋
Wilson乃一介謙謙君子，情繫金融市場課題，連公餘時間亦喺中大開壇授課。對於加盟招證嘅傳聞，現任中銀國際董事總經理嘅Wilson一概封嘴，唔想多講住。
不過市場中人話，Wilson過檔招證絕不意外，因為佢同招證集團CEO王岩認識多年，由工行到中銀國際年代，彼此合作起碼超過十年；加上招證集團喺內地無疑係大型券商，但喺香港只算係起步階段，未來有好大擴展空間，新任務對Wilson嚟講應該充滿挑戰性。華華估計，未來一段時間，招證香港都可能要繼續招兵買馬，壯大團隊，將香港嘅投行業務做大做強。