讀書時，學校規定裙要及膝；到返工，女同事潛規則係膝頭以上一寸，從來冇人解釋過條裙點解要咁長，至今仍堅信當日條校規係女人諗出嚟，因為「你又後生過我，條裙點可以短過我？」
迷你裙多年被打壓，Samantha決定為它平反，故命名此欄為「中環迷你裙」！
不甘現狀兼冇大冇細，Samantha確實係典型80後，大學前某暑假，沉醉於鄧小宇筆下錢瑪莉世界，堅信書中所提的中環價值，故立志做一個著5吋高踭鞋唔會跌死，頂天立地的OL。輾轉幾年，雖然未著到5吋高踭鞋，總算混出一套自家嘅搵食法則。
唯一不變是仍然著住條迷你裙喺中環靜靜起革命，同埋趁住班90後迷你裙未殺到，努力實踐所有打工仔核心價值──唔使Do，嚴格啲嚟講，係搵埋下半世衣食住行開支。故閒時（老闆視線範圍以外）除咗圍埋女同事八吓邊度有平嘢買，都會群埋啲男同事八吓邊度有平「貨」撈，以後逢一、三、五，喺度同大家揀靚股！
Samantha
本欄逢周一、三、五刊出