早前Rapper曲赤和舊愛連詩雅及陸永老婆Rainah的舌戰慾照曝光，令零知名度的他成為新聞人物。曲赤去年和將滿21歲的女友希媛結婚並誕下囡囡，但近日兩人鬧婚變，昨日希媛在網上踢爆許穎（Phoebe）疑做小三搭上曲赤，關係更為複雜。
曲赤當年和連詩雅以及陸永老婆Rainah的舌戰慾照早前流出後，令他成為新聞人物，知名度激增，即時被大起底。原來曲赤去年和樣貌打扮十足時下模的女友希媛結婚，年尾她為曲赤誕下囡囡Jacy，原先一家三口組成幸福小家庭，但有指花弗成性的曲赤嫌老婆囡囡阻住他發展事業，結果狠心飛起母女二人，接着他跟連詩雅和Rainah的慾照流出後，希媛終於死心決定跟曲赤分手。
「假仁假義冇責任心」
本星期五（22日）才剛滿21歲的希媛，昨日一早在facebook貼出曲赤和許穎（Phoebe）的親密貼頭相，更留言說：「真的越睇越登對，星級女友，曲赤哥真係好威威呀，希望你哋早日紅遍全世界，哈哈（好那嘔心）。」明指曲赤搭上Phoebe，女方疑做小三。
接着希媛再留大段留言：「所有假承諾聽得多都悶啦，問心你有邊一樣係做到畀我睇，講真你三番四次周圍講話你其實唔係好錯，又將啲責任推落我到……做你背後嘅煮飯婆？應該聽聽話話，而你就風流快活？乜你認為我咁憎你係單單因為一張相？心照啦，明明自己唔啱都可以周圍講到我其實唔應該咁嬲，重將所有責任推卸落我度嘅人……雙面人，你認為我又未領教過嗎，假仁假義，一啲責任心都冇嘅人，對你已經死晒心，你認為我喺你身上還有一絲希望嗎？」
貼二人合照大嗌作嘔
之後希媛再貼出曲赤和Phoebe的合照，相中還加入很多心型圖案，她再留言：「太登對啦，心心甜蜜照，唔知你哋重有冇更多甜蜜照呢？Sosweet（好那嘔心）。」據知希媛現在和約8個月大的Jacy相依為命，她的facebook亦只留下她和囡囡的生活相，相中見Jacy可愛趣緻，可惜卻可能要由希媛獨力撫養。撰文：丁寧