美國大行高盛之前醜聞多多，幾個月前仲有前員工向傳媒爆料，批評高盛嘅內部文化有毒同睇唔起啲客，搞到佢哋個CEO布蘭克費恩（LloydBlankfein）不斷俾人傳好快要落台。
不過，布蘭克費恩日前喺芝加哥出席一個公開活動時表現好輕鬆，仲識得用外界對佢嘅批評嚟開玩笑，話自己會「永遠」留喺高盛，甚至係「死喺寫字枱」咁話。
布蘭克費恩同記者講，從高盛歷史嚟睇，佢會喺呢個位上面踎好耐，「我家57歲啦，剩低60年我做得乜呢？你睇番過去幾個CEO，除咗有五個後來擔任公職之外，JohnWeinberg從來冇走過、而GusLevy更加係死喺寫字枱前。睇嚟政府冇乜可能徵召我入閣，所以我一係繼續做，一係就會死喺寫字枱前囉。」嘩！咁鞠躬盡瘁嘅打工仔華華真係少見，不過呢種做好呢份工至最後一分鐘嘅語氣，乜咁似我哋阿Cheap曾特首嘅？