【本報訊】「初時都係貪新鮮，但玩落就知好講團隊精神。」赤柱香港航海學校中四生李傲賢下月初將與一班赤航戰友出戰「李錦記龍舟俱樂部世錦賽」。對於將與一眾世界級選手較量，他們信心爆棚︰「一定要贏！」
鑽研出獨特槳法
李傲賢曾弄斷手骨，傷癒後追不上隊友扒槳的節奏，「好自卑，狂做掌上壓、sit-up練番體能。」隊友曹謙亮原是肥仔一名，天生血糖低，曾因催谷過度，暈倒宿舍。他們的學業成績都不及人，但扒龍舟令他們找到目標，曹謙亮說︰「學界連霸斷纜，好失望。陳sir（陳玉華）教我哋輸咗就唔好怨，盡咗力就冇人怪你。」
陳玉華是96年奧運港隊帆船隊員，現為赤航軍師，鑽研出一套糅合獨木舟、划艇與傳統龍舟的槳法，「細路仔唔夠大人咁有力量，所以要剔走多餘動作，提高每吓扒槳嘅效率。」臨近世錦賽，他們有特訓策略，「會拖兩條車胎喺龍尾，增加負重。」
「李錦記龍舟俱樂部世錦賽」是今屆香港龍舟嘉年華新增賽事，首次移師香港，7月4至8日舉行，屆時將有超過20個地區、近170個俱樂部逾4,000名健兒在尖東參賽。