香港華洋共處，不少居港外地人，對本港回歸15年漸漸「內地化」感到無奈，有穿梭港日的日本人坦言，「公共場合嘈咗好多。」居港廿多年的挪威人也慨嘆：「我頂唔順香港越嚟越多簡體字，令人諗到共產黨、貪污。」
「諗到共產黨、貪污」
本港人口約6.4%是其他種族，除印度及菲律賓，白人比例最多、佔0.8%約5.5萬人。廿多年前來港定居的挪威人甘茜蓮，常教外國人講廣東話，記者要求她以電郵回覆對回歸15周年的感想，她以廣東話式中文寫成：「好×大問題，香港公司、銀行都有簡體字。我頂唔順簡體字，好肉酸，令人諗到共產黨、貪污。」
她因熱愛本港文化才長居於此，擔心內地遲早像對廣州般，打壓本港廣東話，「香港人應該開始保護廣東話，係你哋自己嘅語言，文化吖嘛，大佬！」
居港日本人近10年由1.4萬多人減至1.2萬多人，95年已來港居住的專欄作家佐保暢子說，本地日式用品仍到處有售，日人生活方便，但公共場所越來越嘈，如港鐵常有內地人高聲說話，「我喺北京讀書，知佢哋只係傾偈，但一般日本人會以為佢哋鬧交，好culturalshock。」
「我剛嚟香港係講普通話，啲人當我係大陸人，態度好差；回歸後港人冇咁歧視內地人，但近一兩年對內地人又開始有少少反感。」但她與甘茜蓮及許多外國人，始終留戀香港，「因她每分鐘在變，很刺激。」