13歲囝囝馬在驤視型爸馬德鐘為偶像，他們平日愛打籃球親子樂，阿驤說：「佢係個一百分、完美嘅好爸爸，佢運動打波樣樣都好犀利，都叻過我，家唯一可以贏佢嘅只係游水。」
兩父子相處如朋友，甚至有時囝囝阿驤會反過來教訓爸爸，馬德鐘說：「佢好得意，對住佢好似見到多一個自己咁，因為大家意見、想法都好一致，同佢就好似朋友咁，有時反而我喺佢身上學到好多嘢，好似歷史、世界政治咁，好多都係佢話我知。不過我比佢仲貪玩，有時出街我會攬佢挨住佢，反而係佢會同我講叫我正經啲，佢話我要有形象。」
讓兒子衝上雲霄
囝囝也有曳曳時，馬德鐘說：「有次同佢打羽毛球，佢打輸咗畀我就掟拍發脾氣，點講都唔聽，當時我都好嬲，嬲到一個地步我就會喊，佢一見到我喊就知出事，即時同我saysorry。」父子又和好如初。
馬德鐘有意安排囝囝三年後到澳洲學揸飛機，完成他的衝上雲霄夢，他說：「希望佢做個對社會有貢獻、自立嘅人，我唔期望佢係乜嘢人才或者成功人士，只係希望佢可以養活到自己同自己嘅家庭，我唔需要佢養，總之佢搞掂自己就得。」
採訪：譚倩宜 攝影：葉君海
髮型：BruceCheung
（iihair&nail）